今日快报
死撑系好友！Bruna赞陈伟霆好仔兼靓仔
近年在内地人气急升的歌手陈伟霆（William）最近传与24岁的巴西籍索女模Bruna G Marth爆恋情，Bruna最近签约香港的模特儿公司来港发展。昨日，Bruna出席「Kingston at Fashion Walk庆祝派对」活动，她以低胸及短裙上阵，表示这是她来港后首个活动，感觉良好。
问到William是否其男友？她否认：「唔系男友，系朋友，好朋友。（你哋两个约会？）系好朋友。（你见过佢家人？）我唔想讲咁多。（因为William系偶像，所以你唔可以讲？）佢好靓仔，系个好男仔。（佢系你锺意嘅类型？）肯定系。」
不过问到跟William何时及如何认识？她表示已忘了。至于问到报道刊登后可有跟William联络？她坦言：「我冇同佢讲呢个话题。（介唔介意畀人话你系佢女友？）我哋系好朋友。（有指William送戒指畀你，佢家姐送手袋畀你？）我唔可以讲。（觉得好大压力？）冇，系朋友。（有好多狗仔队跟你？）系，好正常。」
提到情人节，Bruna表示会留港度过，问到是否已有男士约她？她笑言：「我唔讲得。（如果William嗰日约你，你接唔接受？）到时睇吓点。」
否认推千万大陆剧真人骚 杏儿恨再生B
艺人胡杏儿2015下嫁圈外人Philip Lee（李乘德）后，2017年10月为对方生下囝囝Brendan（李奕霆），目前囝囝已经三个月大，有指杏儿有意再追多个，指她推掉千万酬劳的大陆剧集及真人骚专心凑仔又追B，她以短讯回覆表示：「唔系唔做，只系因为喂人奶需要就番啲时间，咁所有Job一日未签约价钱都唔可以作准，的确系希望可以再生，公司有安排戏拍，喺香港一样会照拍！」
拖老公晒爱！李嘉欣红唇Look撑爱驹
「大美人」李嘉欣与老公许晋亨（亨亨）现身马场，两人拖住手大晒恩爱，真系令人葡萄！亨亨以深色西装Look现身，而嘉欣就化上抢眼嘅红唇妆，以白恤衫、黑裙、黑外套再衬鲜红色长靴示人，认真Sharp醒！据知今晚许家嘅爱驹「估惑」会再出场，上次同系「献惑」帮许世勋先生赢够一百万，但嘉欣就冇到场，唔通今晚嚟补拉头马？
另一边厢，刚刚开完红馆处女个唱嘅王灏儿（JW），今晚都有同男友叶韦彤嚟到马场，不过佢哋匹爱驹「首驫」唔知系咪知道主人嚟捧场太High，竟然未开闸就冲咗出嚟，结果要重新入多次闸出赛，最终只系跑尾二。
着泳衣同囝囝咀嘴！黄依汶大晒弗爆Body
歌手郑希怡（Yumiko）近日同黄依汶等好友去咗旅行，双方嘅小朋友梁浸浸同陈真都有同行，Yumiko日前先喺社交网晒完自己同囡囡梁浸浸嘅泳衣照，今次就轮到黄依汶晒同囝囝陈真嘅合照啦！
睇相见到黄依汶着住一件头泳衣侧身坐喺石壆度，而陈真就企起身，两母子仲温馨锡锡，黄依汶留言话：「Love in the air」，好有爱呀！不过最养眼嘅唔系呢一吻，而系黄依汶副靓靓body，佢除咗大晒长腿之外，仲不经意侧身「漏奶」，展露惊人上围，绝对系超级辣妈！
此外，大人玩得开心，小朋友都一样尽兴，梁浸浸同陈真、陈小春囝囝Jasper影大合照时，梁浸浸仲坐得好粗鲁，搞到争啲走光，要陈真用手仔帮佢遮住，果然够朋友！
小海绵「正面」曝光！下巴仔激似baby
女星Angelababy（Baby）2015年下嫁内地男星黄晓明，2017年初仲诞下囝囝「小海绵」，佢哋两公婆为咗保护囝囝，所以一直都相当低调。不过昨日Baby为咗庆祝小海绵嘅1岁生日，所以就喺社交网站罕有咁晒出小海绵嘅「正面」相！
小海绵身穿小西装加煲呔，十足一个小大人。虽然Baby用咗一对卡通公仔嘅眼遮住小海绵个样，不过依然见到肥嘟嘟嘅面珠同埋几只牙仔，相当可爱呀！唔少网民都话小海绵嘅下巴好似Baby，仲有人话好想见下小海绵嘅真面目。
无线新收视出炉！《夸》力压《溏3》
无线公布由2018年1月开始收视将会有新计算方法，因应观众生活模式改变，看电视习惯不单靠电视，会用上手机、平板、计算机、机顶盒等不同媒体，因此无线将旧有的收视计算方法改为《7天跨平台总收视点》。新计算方法将能更准确显示节目的总收视率，《7天跨平台总收视点》的计算方法包括每日电视收视、myTV SUPER直播收视及myTV SUPER 7天的追看收视。
无线公布1月1日至1月7日的《7天跨平台总收视点》，黄金时段三线剧集收视《爱．回家之开心速递》23.5点、《夸世代》26.1点及《溏心风暴3》25点。此外，由1月20日「无线财经台」将会改名为「无线财经．信息台」。
☞转载授权微信：lama129
☞ 商务QQ：443317765
